مظلومه

بس فى اللى انت فيه

ابتسم عمر ثم احتضنه وقالياريت تعدى على مجدى وتخليه

يتصرف ويلاقى الاوراق وابقى ابعتلى الاستاذ علاء

علشان نشوف حل للکاړثة دى

اما منى فظلت متعجبة من هذا الشخص الذى التقت به مرتان فى يوم واحد وفى كل مرة يرسل اليها تلك النظرات الغريبة 

فقالت فى نفسها يا ترى حكايته ايه ده

ثم تراجعت عن التفكير به قائلةبقولك ايه طلعيه من دماغك

انتى شاغلة نفسك بيه ليه

ولكنها لم تستطع ان تمنع نفسها عن التفكير به

لم تكن منى تعلم ان هذا هو عمر الذى حكت عنه نيرمين

جلست نيرمين بجانب والدتها التى كانت نائمة بهدوء بعد ان اخذت دوائها واخذت تمسح على يديها وهى تنظر اليها بحزن

ثم ارسلت يديها وجلست على الكرسى الذى بجانب السرير وربعت يديها وهى تتنهد بحزن ثم قالت بصوت منخفض وحزينانا محتاجالك اوى يا سيف

ياترى انت عامل ايه دلوقت

انت وحشتنى اوى

اوى

ثم ابتسمت فى نفسها عندما تذكرت كلام دادة لها بان عمر لم يقترب منها وانها مازالت فيرجن فكلما تذكرت ذلك شعرت بسعادة لا نهاية لها

وقالت فى نفسهالما اشوف بقى يا سيف هترجعلى قبل ما تعرف الحقيقة ولا هتتخلى عنى

لو صممت ترجعلى وانت فاكر ان عمر لمسنى اكيد هتعلى فى نظرى اكتر واكيد لما تعرف الحقيقة هتبقى مفاجأة جميلة اوى بالنسبة لك نفسى اشوف ساعتها هتبقى عامل ازاى

تنهدت بضيق ثم قالتبس هو لما عرف اللى عمر عمله معايا 

سابنى ومشى ومرجعش تانىمعقول ساعتها يكون فكر يبعد عنى!!

لأ لأ مش معقول 

لو ده فعلا كان تفكيره انا لا يمكن ارجعله ابدا

لم تكن نيرمين تعلم ان سيف قد علم بالامر من دادة فاطمة لانها لم تخبرها بذلك فقد نسيت

الفصل الرابع والخمسون

كان عم حسين يجلس فى الصالة ويرتدى نظارة القراء وبيده جرنالا يقرأ فيه الاخبار فاذا بجرس الباب يرن بتواصل وصوت طرق الباب متوالى بشدة فاخفض الجرنال وهو يقولاستر يارب 

ياترى مين

خرجت منى من حجرتها مسرعة لتفتح الباب وهى تضع الطرحة على رأسها بقلق

فتحت الباب فوجدت والدتها تبكى وهى تقولالحقينى يا منى

ثم ارتمت فى حضنهافحضنتها منى وهى لا تفهم شئ 

ثم ادخلتها واغلقت الباب وهى تقولفى ايه يا ماما خضتينى ايه اللى حصل

قم عم حسين من مكانه وهو ينظر الى ابنته بقلق قائلافى ايه يابنتى بتعيطى ليه

وايه اللى جابك الساعة دى متأخر كده

ماجدة ابنتهالحقنى يا بابا اللى مايتسمى جوزى سرق سيغتى كلها 

واتجوز واحدة امريكية كركوبة وهرب 

وبعتلى ورقة الطلاق بعد ما سافر على طول 

خد اللى ورايا واللى قدامى ماسبليش حاجة حتى الشقة اللى انا ساكنة فيها اجار مش تمليك وعليه كذا شهر مدفعوش والراجل 

صاحب البيت طردنى علشان علينا اجار متأخر

ثم اخذت ټضرب على ركبتيها وهى تبكى وتقول

اعمل ايه دلوقتى يا ربى اروح فين وآجى منين

حسينمبلغتيش عنه البوليس ليه

ماجدةابلغ عن مين 

هم هايجبوه ازاى بقولك سافر 

الهى مايلحق يصرفهم ولا يتمتع بقرش واحد منهم يارب

جلست منى وهى تشعر بالضيق ولم تتكلم

نظرت ماجدة اليها ومازالت تبكى ثم قالتساكتة ليه يا منى 

قوليلى اعمل ايه

منىتعملى ايه فى ايه مش بتقولى سافر

عوضك على الله بقى

ماجدةيعنى ايه

هنسيبه يفلت بعملته كده بعد ما قشطنى ومخلاش حيلتى ولا مليم

منىمش هو ده اللى انتى اخترتيه وبعتينى انا ومريم علشانه

استحملى بقى سبحان الله ربنا خلص ذنبنا

ماجدةشمتانة فيا يا منى

كده برده

منى بحزنمتقوليش كده يا ماما انتى مهما كان امى وميرضنيش ابدا اللى حصلك

ماجدةعلى العموم حتى لو شمتانة فيا

انتى عندك حق

انا استاهل اللى جرالى 

منىخلاص بقى يا ماما اللى حصل حصل وفداكى اى حاجة المهم انك بخير

مسحت ماجدة دموعها ثم قالتيعنى مسامحانى

اقتربت منها منى وجلست بجانبها ووضعت يدها على كتفها بحنان ثم قالتطبعا يا ماما مسامحاكى مهما كان انتى امى والضفر مايطلعش من اللحم واللى يمسك يمسنى

ولا ايه

ابتسمت ماجدة بحزن ثم اخذتها فى حضنها وضمتها بشدة ثم قالت

اومال فين مريم وحشتنى اوى

حسينمريم نايمة جوه فى الاوضة خشى يا بنتى خديها فى حضنك ونامى معاها اكيد هى محتجالك اكتر من اى حد فينا

ماجدةطب مش هتسامحنى انت كمان يا بابا

حسينربنا اللى بيسامح يا بنتى

ماجدةانا اسفة يا بابا انا عارفة انى عذبتك كتير ومكونتش بسمع كلامك

بس اهوه !!ربنا انتقملك منى

حسينمتقوليش كده يا بنتى انتى مهما كان حتة منى وانا مسامحك عن اى حاجة عملتيها المهم تكونى اتعلمتى ومتكرريش غلطتك تانى

ماجدةخلاص يا بابا اكررها تانى ده ايه

انا اتعلمت خلاص واللى شوفته من اللى مايتسمى خلانى کرهت الرجالة كلهمانا خلاص قررت اعيش لبناتى وهعوضهم عن السنين اللى اتحرمه فيها منى

بعد عدة ايام من انتقال عمر المستشفى التابعة للسجن وبعد تحسن حالته قرر الطبيب نقله الى السچن ليكمل المدة المقررة له فيه

كان سيف جالسا فى زنزانته على الارض وهو يسند رأسه وظهره على الحائط وزراعه الايسر ممدودا على ركبته اليسرى فى صمت

فتحت الزنزانة ودخل عمر عليه 

عندما رآه سيف ابتسم وهو يقول ممازحااهلا

الزنزانة نورت

نظر عمر الى ارجاء الزنزانة وهو يدور ثم قال للزنزانة بمزحة

وحشتينى

سبحان الله لفيت لفيت ورجعتلها تانى

ابتسم سيف من كلامه وهو يقولنفسى اعرف انت كنت مستحمل 

وجودك هنا ازاى دا انا مش طايق استنى هنا ثانية واحدة

اقبل عمر عليه وجلس بجانبه وهو يقولانا كنت اكتر منك 

بس كله بيعدى 

سيفعلى رأيك كله بيعدى

مقولتليش عامل ايه دلوقت

عمروحش يا باشا

انت عارف ابن عمك بيفوت فى الحديد

سيفانت هتقولى

نظر عمر الى الحائط الذى لفت نظره اليها الرسمة التى رسمت عليه

فنظر الى سيف باحراج ثم قال وحشتك مش كده

تنهد سيف بحزن ولم يرد

زم عمر شفتيه وهو ينظر الى الحائط وسكت قليلا ثم قال

نسيت اقولك انى معونتش شريكك فى الشركة خلاص لانى مضيت عقد فض الشراكة خلاص

سيف بتعجبامتى ده!!

عمراول يوم روحت فيه الشركة بس المصېبة ان مجدى مش لاقي العقد

سيفافهم من كده انه لو لقى العقد انت هتخرج

عمراكيد

سيفياريت ده يحصل بدل ما نتسجن احنا الاتنين والشركة تضيع

عمريعنى انت بتتمنالى انى اخرج

سيفطبعا يا عمر

عمرانا كنت فاكر انك هتزعل لما تعرفى انى ممكن اخرج وتفضل هنا لوحدك

سيفلا طبعا انا عمرى مابفكر بالطريقة دى 

وبعدين ايه الفايدة من انك ټتسجن معايا

انا شايف ان خروجك افيد لينا احنا الاتنين

عمرانا نفسى اخرج علشان حاجة واحدةبس

هى انى اثبت براءتك واخرجك من هنا

ابتسم سيف وهو يقولهو ده ظنى فيك ياعمر

تنهد عمر بارتياح من عودة المياه الى مجاريها بينه وبين سيف 

وملأ الود نسيج العلاقة بينهم من جديد

نظر عمر الى سيف وقال بعد تردد دام لحظاتسيف

نظر سيف اليه

عمرانت مسامحنى

نظر سيف اليه بحزن ثم سكت

عمر بحزنرد عليا يا سيف

مسامحنى ولا لأ

سيفانت عايز الصراحة

عمر طبعا

سيفانا مش قادر اسامحك 

تنهد عمر بحزن ونظر امامه وهو يبتلع ريقه پألم

نظر سيف اليه بوجه حزين ثم قالمنكرش انى بحبك وبخاف عليك 

وشايفك اخويا اللى امى ماجبتوش

بس اللى عملته مش سهل يتنسى انت طعنتى ب 

قاطعه عمر وهو يضع يده على فم سيف قائلا بحزنششششش

متكملش ارجوك

انت متعرفش كلامك ده بيعمل فيا ايه

انا عارف انى كنت ندل معاك وانا فى نظرك خاېن

واستاهل الړصاصة اللى ضربتنى بيهابس عايزك تعرف انى مش ملاك 

انا بنى آدم واى بنى آدم بيغلط وربنا بيغفر وبيسامح لانه كريم ونفسى انت كمان تسامحنى 

نفسى تنسى اللى فات ونبدأ صفحة جديدة

سيف وهو ينظر اليه بوجه قاطبممكن اسألك سؤال وتجاوبنى بصراحة

عمر اسأل

سيفانت قولت لدادة انك ملمستهاش

وانا مصدقك

بس مش معقول تكون فضلت معاك طول المدة دى ومحاولتش فيها انك تعمل حاجة

اكيد حاولت ولو مرة صح ولا غلط

تنهد عمر بضيق ونظر امامه دون ان يرد

سيفسكوتك ده معناه انك حاولت فعلا 

عمرانت ليه مصر تعذبنى وټعذب نفسكسيف انا معترف بغلطتى

ولو يرضيك انى اموت على ايدك فى مقابل انك تسامحنى انا موافقاحنا لو فى مكان تانى غير هنا كنت اديتك المسډس وكشفتلك صدرى علشان تضربنى وهكون مسامح بس المهم تنشن صح المرة دى 

انا عايزك تعرف انى اتغيرت واللى حصل ده كان ساعة شيطان

وبعدين انت عارف انى عمرى مافكرت اخونك فى يوم من الايام ومعملتش كده الا بعد كلام سلمى ليا هى اللى اقنعتنى ان نيرمين من النوع اللى تبيع نفسها واسأل حازم هيقولك انى كنت خلاص هبعد عنها واشيلها من دماغى

سيفطب انسى ازاى انك حاولت تعتدى عليها هى دى سهلة عليا

بلاش كدهتقدر تقولى اوهمتها ازاى انك لمستها

اكيد عملت حاجات انت نفسك مش هتقدر تقولهالى لانها مخجلة مش كده

اخفض عمر بصره للارض حرجا منه وخجلا من نفسه

نظر اليه سيف وقد تيقن ظنه ثم نظر امامه بضيق

وهو يقوليعنى اللى بفكر فيه صح

فتحت دادة عينيها ثم نظرت الى نيرمين التى كانت جالسة على الكرسى بجانبها وهى نائمة عليه فشعرت بالاشفاق على تعبها فنادت قائلةنيرمين

اصحى يا حبيبتى

فتحت نيرمين عينيها ثم انتبهت قائلة انتى صحيتى يا ماما

محتاجة حاجة

دادةانتى ايه اللى منيمك هنا كده

اكيد ضهرك وجعك

نيرمينلا وجعنى ولا حاجة انا كويسة خالص المهم انتى عاملة ايه

دادةكويسة الحمد لله

ثم قامت محاولة الجلوس فشعرت بالم فى قلبها

لاحظت نيرمين الالم عليها

نيرمينكده يا ماماكده تفضلى طول المدة دى تخبى علينا ان قلبك واجعكاستحملتى طول المدة دى ازاى

دادةما انا كنت باخد دوا بيريحنى ومكونتش بحس بحاجة

نيرمينوهو ده طلع دوا برده 

دى مسكنات يعنى ضررها اكتر من فايدتها 

علشان خاطرى علشان خاطرى يا ماما تحافظى على نفسك لو مش علشانك انتى يبقى علشانى انا

انا محتاجالك اوى مش عايزاكى تضيعى منى ارجوكى

دادةمټخافيش يا نونو انا هبقى كويسة وهخرج من هنا قريب وبكرة تشوفى

نيرمينيارب يا ماما يارب

حضر د وليد وطرق الباب 

نيرمينادخل

دخل د وليد مبتسما وقال صباح الخير

دادة ونيرمين بصوت واحدصباح النور

دادةكويس انك جيت يا دكتور 

د وليدخير كنتى عايزة حاجة ولا ايه

دادةلسة كنت بقول لنيرمين انى هخرج من هنا قريب 

عايزة اعرف انا قاعدة هنا ليه مادام الفحوصات اثبتت ان مافيش حاجة

نظر د وليد الى نيرمين وارتبكت نظراته ثم قالفى شوية حاجات بسيطة كده هتتعمل وان شاء الله هتروحى على طول

نيرمينانتى مستعجلة كده ليه يا ماما الدكتور ادرى بالمعاد اللى هتخرجى فيه ولو هو شايف ان من مصلحتك تخرجى النهاردة مش هيتأخر

د وليد وهو يبتسمكلام الانسة نيرمين مظبوط وبعدين انتى لحقتى تزهقى مننا ولا ايه

امسك بجهاز الضغط ليقيس ضغطها ثم راقب المؤشر وهو يقول

واضح انك لسة متضايقة من حاجة ضغطك عالى حبتين

نظرت نيرمين الى والدتها بقلق

انتهى د وليد من قياس الضغط ثم ابعد الجهاز ووضع السماعة وهو يقولياريت حضرتك تحاولى تصفى ذهنك من اى مشاكل او هموم علشان ده مش كويس علشانك 

ادتيلها الدوا ولا لسة يا انسة نيرمين

نظرت نيرمين فى ساعتها ثم قالتفاضل ربع ساعة

د وليد كويس انك مهتمية بالمواعيد مظبوط

نظر اليها بتلميح انه يريدها خارج الغرفة ثم قالممكن ثوانى يا