مزمار بلدى لاسما ابراهيم
_ لا يا جدي انا معملتش حاجه انا بس اتعلم عليا ومرات ابنك هتشمت فيا زي عادتها..
ضربها جدها على راسها بخفه وضحك:
_ طول عمرك هبله وبينضحك عليكي يا حوريه ايه الجديد يعني!
نفخت حوريه خدودها بضيق:
_ حتي انت يا حج صبري..
قبل ما جدها يتكلم كان خالها ضربها بخفه من الجهة التانيه وهو بيضحك عليها وعلى زعلها اللي لسه بيشبه زعلها وهي صغيره متغيرتش ولا ناويه شكلها تتغير ابدا ولا ناويه تتعلم من دروسها الكتيره اللي بتاخدها من الدنيا اول باول..
_ ماشي يا ابو الكباتن اضرب اضرب..
ضحك عليها :
_ ايه دلوقتي صدقتي كلامي يا حوريه .
_ بقولك ايه يا خالي اطلع من نفوخي الله يسهلهك انت كمان ، كلام ايه اللي صدقه بعد اللي بيحصلى دا ، قولي اتختمتي على قفاكي تاني يا حوريه دا الكلام الصح اللي يتقال لوحده زي يا ابو الكباتن بس وديني ما انا معديهاله ابن فوزيه الغلاويه..
_ ابن فوزيه الغلاويه لا ما شاء الله كده اطمن عليكي يا غاليه..
_ طب زوء عجلك بعيد عني وخد مراتك واتكل ع الله ..مش ناقصه تقطيم منها انهارده، قبل ما يخرج صړخت بضحك بصوت سلطان ” يا شماته ابله ظاظا فيااا..”
_ ابله طاظا مين ياحوريه؟ لا دا انتي حالتك بقت ترلالي عالاخر والنبي ربنا رحمه ابن العمده..
_ خاااالي..!
_ طالع..طالع يختي، علشان عندي نمره في…
سكت وبعدين بصلها بمكر وغمزلها وقال:
_ في فرح ابن العمده
_ ايه.. احلف والمصحف..
يتبع… كبيره..
غمض عنيه وكتم ودانه بايده وهو سامع صوت ضړب الڼار بعد ما رمت امه المنديل برا من شباك الأوضه علشان تثبت شرف مرات ابنها ورجوله ابنها وتخرس الالسنه اللي بتحكي وتتحاكي عليهم..
بۏجع بقلبه همس :
_ سامحيني يا حوريه.. سامحيني….
يتبع…
